• Koop-'n-boek-borg-'n-boek-projek. Indien jy 'n Bybel vir slegs R100 koop, bekom jy nie net jou eie kopie nie, maar borg jy terselfdertyd 'n Bybel vir 'n kind in die taal van sy keuse.
• Skenk 'n Bybel aan die skool/skole van jou keuse. Vir slegs R50 borg jy een Bybel; vir R200 borg jy Bybels in graad een tot vier van 'n skool - en bereik daardeur potensieel 120 kinders! Jy kan 'n skool van jou keuse nomineer of jou skenking aan CLF toevertrou om by skole af te lewer. Sal dit nie wonderlik wees as elke skool in Suid-Afrika 'n kopie van die Kinderbybel in graad 1 tot 4 het nie!
• Maak 'n donasie van jou keuse en CLF sal die geborgde boeke aflewer.
• Boeke is ook beskikbaar om te koop teen R69,95, verpakking en posgeld ingesluit.

DIE BOEK: In God se kinders Verhale uit die Bybel, vertel emeritus aartsbiskop Desmond Tutu meer as vyftig van sy gunstelingverhale uit die Bybel. Die besielende teks word visueel aangevul deur 'n buitengewone span van die voorste illustreerders ter wêreld. Dit verseker dat hierdie Kinderbybel wêreldwyd aanklank sal vind. CLF glo dit is belangrik - nie net om kinders die inhoud van die Bybel te leer nie, maar ook om hulle te help om dit van toepassing op hul lewe en omgang met ander kinders van God te maak. Ons hoop dat kinders hul geloof prakties sal uitleef en daardeur waardes sal vestig wat die leiers van môre moreel sal toerus. Hiermee bly CLF getrou aan die missie van die afgelope 53 jaar om die Boodskap van die Bybel na almal te neem met gratis en bekostigbare lektuur in hul eie taal.
Die boek is beskikbaar in Afrikaans, Engels, Sotho, Xhosa, Zulu en Tswana. Die een miljoen Bybels vir een miljoen kinders-projek gee individue, besighede, kerke en organisasies die geleentheid om 'n Kinderbybel aan kinders te skenk.